KERJA

Umbas iya sibuk kerja lepas taun baru tuk. Sari tuk agik nganti ka meeting pukul 1.30 lagi. Agik prepare mimit kena meeting, takut lagi kena serang, bingung enda nemu nyaut apa. Manah prepare awal. Lemai kemari, bisi indai urang datai ke ofis betemu enggau aku. Laban aku bahagian ke ngambi anak angkat yang di tulung duit sekula sidak. Nyau berandau-berandau, dia indai urang nya madah ka iya ka minta nyambung biasiswa anak iya. Aku madah ulih, asal nitih prosedur Yayasan. Udah tembu, dia iya nanya, ulih enda nulung siko agik anak iya? Kasih gak ati aku, tapi udah prosedur kami, enda ngambi dua anak dalam siti keluarga laban yang sponsor sidak agik terhad. Ditu, mayuh ndar anak enda sekula, kesedaran penting besekulanya bedau tembus di pemikir sidak iya. Kekadang enti kitai ngagai rumah sidak iya, kasih kitai. Ka ngambi siko anak aja, enda kempang, baka keluarga ke bisi mayuh anak udah nya pengidup tusah. Anak mit, nama temu sidak iya, udah besai baru pelik-pelik mata nyesal. Enda ulih nyalah ke sidak, laban memang enda di padah ke pementing sekula. Sinu mai....